Vanishing Island ng Malilipot, Albay

-

 


   Ito ay isa sa sa mga magaganda at dinadayong atraksiyon sa Albay. Ito ay matatagpuan sa Malilipot, Albay . Ito ay tinawag na Vanishing island dahil tila ito'y nawawala tuwing high tide at kapag low tide naman ay lumilitaw ang mga buhangin,hindi ito isla mismo dahil kumpara sa ibang mga isla ay wala kang makikitang mga puno kundi tanging buhangin at malinaw na tubig. Sinasabing nabuo ito dahil sa mga malalaking alon na dulot ng mga bagyo. Ito ay masasabi kong " A Beautiful Disaster".

   Sa unang tingin mo pa lamang ay talagang mamamangha kana sa taglay nitong nakakabighaning ganda. Naalala ko pa noong una kaming pumunta sa Vanishing Island ay sobrang ganda talaga nito kahit sa malayo. Alas dose ng hapon kami umalis para makapunta doon ng maaga. Nahuli kami dahil naghanda pa kami ng kakainin namin doon, wala kaseng tindahan doon kaya't nagdala nalang kami ng sarili naming pagkain. Isa hanggang dalawang oras ang naging byahe namin. Hindi na kami nagrenta pa ng bangka dahil yung isa naming kaibigan ay may sarili silang bangka kaya't yun na ang ginamit namin para iwas na rin sa gastos.

   Bandang mga 2 pm na ng makarating kami doon. Ang mga cottages ay lumulutang sa tubig na sinasabayan ng paghampas ng mga alon kaya't ito'y napakagandang pagmasdan. Ang isang cottage kung rerentahan ay 500 pesos pataas ang babayaran depende sa laki ng cottage na kukunin. Hindi na kami nagrenta pa ng cottage at ginawa nalang na silungan ang bangka dahil may bubong naman na ang bangkang sinakyan naming magkakaibigan. 

   Pagkatapos naming magpahinga galing sa byahe ay naligo na kami. Napakalinaw ng tubig at makikita mo sa ilalim ang napakaraming starfish. Malalim na ang tubig sa ibang parte dahil hapon na. Nasilayan man namin ang paglitaw ng  buhangin ngunit ito'y mabilis lamang. Sayang nga lang pero sulit pa rin dahil talagang napakaganda roon. Naligo kami hanggang sa kami ay magsawa at napagdesisyunang mamasyal sa ibang isla.

  Sulit ang pagpunta namin sa Vanishing Island. Bago kami umalis ay kumuha kami ng litrato sa bawat parte nito mula sa tubig, cottages, starfish at iba pa para maidagdag namin sa aming koleksyon ng mga lugar na pinuntahan namin ng magkakasama. Kung kayo ay naghahanap ng mapapasyalan huwag mong kakalimutan na puntahan ang Vanishing Island. May napakagandang tanawin at tamang - tama para magpicture. Kaya tara na sa Vanishing Island.


Reperensiya: 

www.google/images.com




                           - MARJORY FERNANDEZ (12- HUMSS B)

Mga Komento

Mag-post ng isang Komento

Mga sikat na post sa blog na ito

Our Lady of the Gate Parish Church ng Daraga, Albay

-
Imahe
   Napakaraming simbahan ang makikita mo sa Alabay simula sa pinakamaliliit hanggang sa mga naglalakaihang simbahan, ngunit ang simbahan ng Daraga or tinatawag ring Daraga church ang wag na wag mong palalampasin. Ang Daraga church ay nakilala noong 18th century na gawa sa mga volcanic stones o mga bato galing sa bulkan. Maraming nang mga sakuna at mga pangyayari ang pinagdaan ng simbahan ng Daraga, isa na doon ang pagputok ng bulkang Mayon noong 1814, naging malaki at malawak ang naabot na pinsala ng nasabing pagsabog nagiwan ang pangyayaring ito ng 2,000 kataong patay. Isa pa sa mga pangyayaring dinaanan nito ay ang panahon ng digmaam o noon World War II, ginamit ang simbahan bilang headquarters ng mga Hapon noong panahon ng digmaan.   Ang Daraga Church ay ipinatayo noong 1773 ng mga Franciscan Missionaries, ang 240 taong gulang n simbahang ito ay isa sa mga hindi kapanipaniwalang mga gawa ng tao sa Legazpi, Albay. Noong 2007 idineklara ang Daraga Church bilang National Tr
Magbasa nang higit pa

Punta Almara Beach Resort ng Ligao, Albay

-
Imahe
    Kung ang trip nyo magkakaibigan ang vibe na, boracay at palawan upang mag outing na may banda at  mag camping sa taning dagat habang tinitingnan ang magagandang bituin, Punta Almara ang magandang lugar upang puntahan.      Ito ay matatagpuan sa Maonan Ligao, maganda pumunta rito kapag ka gabi dahil meron silang banda, may mga cottage den dila at sa loob ay may higaan na pedeng tulugan, kung madami kayo magkaka sama at hindi kasya sa loob ay pwede den mag rent ng mga tent. Ito ay magandang puntahan ng mga taong problemado at gustong takasan ang lugar na dahilan ng kanyang pinag dadaanan dahil makakalma ka sa simoy ng hangin rito at ang tunog ng mga alon sa dagat. Marami din ang dumadayo dito dahil sa ganda ng kapaligiran at ito rin ay white sand. Pwede den mag laro ng volleyball dito. Ito ay tamang lugar upang mapag usapan ang kanya kanyang problema, pag usapan ang tungkol sa mga buhay kasama ang mga kaibigan, pamilya o kung sino pa man ang kasama dahil wala ditong signal, walang In
Magbasa nang higit pa

Hoyop-hoyopan Cave ng Camalig, Albay

-
Imahe
   Isa sa magagandang destinasyon na aking napuntahan ay ang Hoyop-Hoyopan Cave na makikita sa lugar na Matatagpuan sa Cotmon Village, Camalig, Albay.       Ito ay kilala bilang kuwebang pinakasikat at ang tinatago nitong kagandahan na makakamtan sa pagpasok sa nasabing kweba. Noong ako'y napadpad sa destinasyong ito labis ang aking pagkamangha sa dami ng lagusan na mapapasukan na nagmumungkahing isang "Labyrinth" o kung sa tagalog ay laberinto.        May laki itong 280 square meter, tinawag itong "Hoyop-Hoyopan" sa wikang Bicolano na ang ibig sabihin sa salitang tagalog ay "Hipan ng Hangin". Pinupuno ito ng malalaking bato na iba't ibang hugis.         Ayon rito ang kweba na kasing edad ng 3000 B.C hanggang 4000 B.C. Samantala, Ang mga garapon na natagpuan sa loob ng yungib ay may petsang mula 200 B.C. hanggang 900 A.D. at ito ay maiugnay sa Calanay complex.        Maraming mga pasukan at labasan ay nag-iiba mula sa dalawa hanggang 10
Magbasa nang higit pa