Quituinan Hills ng Camalig, Albay

-

   Sa loob ng probinsya ng Albay, iyong makikita ang gintong ilaw na nagmumula sa sinag ng araw sa lugar ng Quituinan Hills, Camalig, Albay. Maraming turista ang dumarayo - maraming p'wedeng gawing mga bago. Sumakay sa kabayo o tumakbo sa damo, itong ipinagmamalaki ng Camalig, Albay ay talagang totoo.

   Ilang taon na ang nakalilipas nang madiskubre ang lugar na ito. Mula sa kapaanan ng bundok, hanggang ika'y maka-abot sa taas ay iyong matutunghayan ang kabanabanaad na kulay ng lugar dito. Sa iyong likuran ay iyong matatanaw ang perpektong tatsulok na Bulkan Mayon. Talagang mapapanglaw ka sa tanawing ito na para bang ika'y nasa langit. 

   Sariling atin kumbaga. Tunay na mapapawi ang iyong mga sama ng loob. Malinis at masarap na simoy ng hangin, sari-saring tanawin, Quituinan ay tunay na pinapanalangin. Sa lugar na ito, maari kang sumakay sa mga kabayo, kumain kasama ang iyong mga mahal sa buhay, o maglakad-lakad sa kalsada kasama ng iyong mga kaibigan o kasintahan.

   Ang lugar na ito ay hindi maipagpapalit ng mga Albayanos. Ito ang itinuturing na bundok-kapatagan ng mga tao sa Albay. Bukod sa ito'y isang lugar na punong-puno ng kulay berde, ito'y magandang puntahan din kapag papalubog na ang araw. Mala-ginto ang kulay ng takip silim dito. sa sobrang ganda ng tanawin, ang iyong lungkot ay mapapalitan ng kasiyahan. Ang kabundukan ng Quituinan ay aking maihahambing sa isang dalagang maasikaso. Di nito pinapabayaan ang kanyang sarili upang siya'y hindi maging marumi at hindi maging madungis.

   Itong lugar na ito ay sadyang napakatahimik. Tanging mga huni lamang ng ibon, sipol ng hangin, at maaliwalas na tanawin lamang ang iyong matutunghayan.

   Ito ang Quituinan sa Albay. Mahal namin ito, at 'di ito mapapalitan ng kung ano pa man.



                 
                                  - JOHN PAUL BASILLA (12- HUMSS B)

Mga Komento

Mag-post ng isang Komento

Mga sikat na post sa blog na ito

Our Lady of the Gate Parish Church ng Daraga, Albay

-
Imahe
   Napakaraming simbahan ang makikita mo sa Alabay simula sa pinakamaliliit hanggang sa mga naglalakaihang simbahan, ngunit ang simbahan ng Daraga or tinatawag ring Daraga church ang wag na wag mong palalampasin. Ang Daraga church ay nakilala noong 18th century na gawa sa mga volcanic stones o mga bato galing sa bulkan. Maraming nang mga sakuna at mga pangyayari ang pinagdaan ng simbahan ng Daraga, isa na doon ang pagputok ng bulkang Mayon noong 1814, naging malaki at malawak ang naabot na pinsala ng nasabing pagsabog nagiwan ang pangyayaring ito ng 2,000 kataong patay. Isa pa sa mga pangyayaring dinaanan nito ay ang panahon ng digmaam o noon World War II, ginamit ang simbahan bilang headquarters ng mga Hapon noong panahon ng digmaan.   Ang Daraga Church ay ipinatayo noong 1773 ng mga Franciscan Missionaries, ang 240 taong gulang n simbahang ito ay isa sa mga hindi kapanipaniwalang mga gawa ng tao sa Legazpi, Albay. Noong 2007 idineklara ang Daraga Church bilang National Tr
Magbasa nang higit pa

Punta Almara Beach Resort ng Ligao, Albay

-
Imahe
    Kung ang trip nyo magkakaibigan ang vibe na, boracay at palawan upang mag outing na may banda at  mag camping sa taning dagat habang tinitingnan ang magagandang bituin, Punta Almara ang magandang lugar upang puntahan.      Ito ay matatagpuan sa Maonan Ligao, maganda pumunta rito kapag ka gabi dahil meron silang banda, may mga cottage den dila at sa loob ay may higaan na pedeng tulugan, kung madami kayo magkaka sama at hindi kasya sa loob ay pwede den mag rent ng mga tent. Ito ay magandang puntahan ng mga taong problemado at gustong takasan ang lugar na dahilan ng kanyang pinag dadaanan dahil makakalma ka sa simoy ng hangin rito at ang tunog ng mga alon sa dagat. Marami din ang dumadayo dito dahil sa ganda ng kapaligiran at ito rin ay white sand. Pwede den mag laro ng volleyball dito. Ito ay tamang lugar upang mapag usapan ang kanya kanyang problema, pag usapan ang tungkol sa mga buhay kasama ang mga kaibigan, pamilya o kung sino pa man ang kasama dahil wala ditong signal, walang In
Magbasa nang higit pa

Hoyop-hoyopan Cave ng Camalig, Albay

-
Imahe
   Isa sa magagandang destinasyon na aking napuntahan ay ang Hoyop-Hoyopan Cave na makikita sa lugar na Matatagpuan sa Cotmon Village, Camalig, Albay.       Ito ay kilala bilang kuwebang pinakasikat at ang tinatago nitong kagandahan na makakamtan sa pagpasok sa nasabing kweba. Noong ako'y napadpad sa destinasyong ito labis ang aking pagkamangha sa dami ng lagusan na mapapasukan na nagmumungkahing isang "Labyrinth" o kung sa tagalog ay laberinto.        May laki itong 280 square meter, tinawag itong "Hoyop-Hoyopan" sa wikang Bicolano na ang ibig sabihin sa salitang tagalog ay "Hipan ng Hangin". Pinupuno ito ng malalaking bato na iba't ibang hugis.         Ayon rito ang kweba na kasing edad ng 3000 B.C hanggang 4000 B.C. Samantala, Ang mga garapon na natagpuan sa loob ng yungib ay may petsang mula 200 B.C. hanggang 900 A.D. at ito ay maiugnay sa Calanay complex.        Maraming mga pasukan at labasan ay nag-iiba mula sa dalawa hanggang 10
Magbasa nang higit pa